PS: Privatizimi i OSSH, për arsye elektorale

Partia Socialiste, duke denoncuar vjedhjen e qytetarëve me anë të faturave të energjisë elektrike, u shpreh se privatizimin i OSSH nga Berisha është bërë për arsye personale. Gjithçka e ndodhur, provon qartë se privatizimi i drejtuar nga Ruzhdi Berisha, ka qenë një proces pa asnjë lloj ndikimi në përmirësimin cilësor dhe sasior të shërbimeve ndaj qytetarëve,

më së shumti, një proces politik klientelist, në synimet politiko elektorale dhe korruptive të qeverisë në dëm të qytetarëve shqiptarë. Është e qartë se pasuria publike dhe pasuritë e Shqipërisë po privilegjojnë në mënyrë korruptive disa, përgjithësisht qeveritarë dhe klientë në rrethin e Qeverisë, duke varfëruar e grabitur shumicën e qytetarëve në këtë vend, ka pohuar deputeti socialist Erion Braçe. Sipas tij, paralajmërimi i Priftit, për të privatizuar gjithçka në të njëjtën mënyrë, të korruptuar e pa dobi për qytetarët, nuk do të mbush arkat e boshatisura të shtetit, por do të mbushë xhepat e paligjshëm të  qeveritarëve. Qeveria e Ruzhdi Berishës apo maxhoranca e Ruzhdie Topallit po dëshmojnë se nuk kanë frikë nga populli. Natyrisht që kjo dëshmon se në këtë vend ka mbetur shumë pak demokraci. Ky provokim merr fund pas datës 18 mars, tha ai.

Last Updated on E Shtune, 06 Mars 2010 22:35