Pa fitues në Gjilan e Prishtinë

Drita të dielën nuk ka mundur tu kthehet fitoreve. Skuadra gjilanase e ka regjistruar barazimin e tretë rresht, pasi përballja e saj me Lirinë ka përfunduar pa fitues, 1:1 – në kuadër të xhiros së shtatë të Superligës.

Prizrenasit kanë kaluar të parët në avantazh prej 0:1 në minutën e 59-të nëpërmjet Besart Islamajt. Por, Drita i ka barazuar shifrat në 1:1 në minutën e 67-të me golin e Rohan Foniqit.

Por, vendasit nuk kanë mundur të fitojnë pavarësisht përpjekjeve të mëdha. Mirëpo, ata edhe kanë mundur të humbnin, sikur Meha të ishte më i saktë në pjesën e parë kur e ka qëlluar shtyllën.

Hajvalia – Ferronikeli 0:0

Përballja mes dy anëtarëve të rinj të Superligës, Hajvalisë e Ferronikelit, e zhvilluar të dielën në kryeqytet, ka përfunduar pa fitues.

Dueli mes tyre ka përfunduar pa gol, gjë që i zhgënjeu shikuesit në tribunat e stadiumit të Flamurtarit.

Hajvalia ka bërë përpjekje më të mëdha për të shënuar, kurse mysafirët golin e kërkonin kryesisht nëpërmjet kundërsulmeve, por asnjëri ekip nuk ka shënuar, me ç’rast në fund ndanë pikët.

Tabela ND GD PI

1. Trepça ’89 7 9 17

2. Prishtina 7 7 16

3. Drita 7 -4 12

4. Trepça 7 4 11

5. Hajvalia 7 1 9

6. Vëllaznimi 7 0 9

7. Hysi 7 2 7

8. Drenica 7 -2 6

9. Ferronikeli 7 -3 7

10. Liria 7 -2 6

11. Kosova (V) 7 -7 6

12. Besa 7 -9 5