Perdorimi i lendet plasese, kriteret qe duhet te plotesojne firmat
Tirane-Qeveria ka miratuar dje proceduren per perdorimin civil te lendeve plasese. Sipas ketij vendimi, autorizimi per perdorimin e tyre jepet nga Ministri i Ekonomise, Tregtise dhe Energjetikes. Ky autorizim u jepet atyre subjekteve te licencuara, te cilat per realizimin e veprimtarise se tyre, e kane te domosdoshem perdorimin e lendeve plasese. Per te perfituar te drejten per t'i perdorur kete lende, subjekti informohet edhe per te dhenat qe duhet te plotesoje, mes te tjerash ai te paraqese vec dokumentacionit, edhe veprimtarine e sakte te punimeve qe do te kryeje me keto lende. Projekti per kryerjen e puneve me lende plasese duhet te jete ne zbatim te rregullores se teknikes se sigurimit, si dhe subjekti duhet te njoftoje organet e pushtetit vendor per siperfaqen e zones se rrezikshme, ku do te kryhet veprimtaria me lende plasese, thuhet ne vendimin e qeverise. Nje nga kriteret qe duhet te plotesojne firmat e licencuara, eshte se ato duhet te kene depo per lendet plasese, te miratuar nga komisariati i policise i zones, ose kontrate me nje subjekt qe ka depo te lendeve plasese. Ndersa drejtuesi teknik duhet te jete inxhinier miniere, inxhinier ndertimi, gjeolog ose oficer xhenier. Sipas vendimit te miratuar dje nga qeveria, autorizimi per perdorimin civil te lendeve plasese jepet brenda 45 diteve nga data e aplikimit per marrjen e tij, ndersa afati i autorizimit te subjekteve te specializuara per perdorimin civil te lendeve plasese eshte 10 vjet, me te drejte riperteritjeje.
L.K