Policet serbe presin marreveshjen Beograd-UNMIK

Perfaqesuesit serbe ne Kosove thone se bisedimet me UNMIK-un per statusin e policeve serbe te suspenduar, do te intensifikohen, me kerkesen qe ata te kthehen ne pune nen komanden e policise nderkombetare. UNMIK-u hedh poshte nje mundesi te tille. Ministria per Kosoven ne Qeverine e Serbise ka paralajmeruar se do te vazhdoje dialogun me UNMIK-un, mbi kerkesat e pjesetareve serbe te Policise se Kosoves, qe te jene nen komanden e policise nderkombetare. Shefi i UNMIK-ut, Lamberto Zannier, dhe ministri per Kosoven, Goran Bogdanovic, javen e kaluar, ne Beograd, nder te tjera kane biseduar edhe per problemin e policeve serbe te suspenduar. "Ne gjithmone i kemi inkurajuar serbet e Kosoves qe te kthehen ne polici, sepse jane te nevojshem per komunitetin e tyre, por kemi theksuar qarte se zinxhiri komandues mbetet policia e Kosoves", ka thene zedhenesi i UNMIK, Aleksander Ivanko. Qindra pjesetare serbe te Policise se Kosoves, qe gjashte muaj bojkotojne punen ne kete sherbim, sepse nuk duan te punojne ne institucionet e Kosoves se pavarur. Ata duan te kthehen ne pune, por nen komanden e UNMIK-ut.