Prezantohet projekti i ri për 2009-n
10/04/2009 Planifikimi familjar
Planifikimi familjar në vend do të mbështet nga një program i veçantë, që do të zbatohet ndërmjet Ministrisë së Shëndetësisë dhe Agjencisë së Shteteve të Bashkuara për Zhvillim Ndërkombëtar. Ditën e djeshme është bërë dhe prezantimi i programit “Për ndryshimin e sjelljes në planifikimin familjar në Shqipëri”, program i cili përqendrohet në rritjen e metodave bashkëkohore kontraceptive për të sqaruar keqkuptimet në lidhje me efektet anësore dhe për të pakësuar përdorimin e metodave tradicionale, kryesisht për moshat 18–35-vjeçare. E pranishme në këtë ceremoni, ministrja Anila Godo ka pohuar se viti 2009 do jetë viti i sensibilizimit të popullsisë në lidhje me strukturën e duhur të planifikimit familjar. “Në axhendën e vitit 2009 është strategjia kombëtare e shëndetit riprodhues, çka do të përbëjë një kornizë ku do të përcaktohen drejtimet kryesore të plotësimit të nevojave për planifikim familjar, me qëllim parandalimin e shtatzënive të padëshiruara dhe sigurimin e alternativave kundrejt abortit. Planifikimi familjar luan një rol të rëndësishëm në përmirësimin e shëndetit amtar, barazinë gjinore dhe reduktimin e varfërisë, duke ndihmuar drejtpërdrejt në arritjet e objektivave të mijëvjeçarit”, - tha ministrja Godo. Sipas saj, në sektorin publik kontraceptivët ofrohen falas në 413 qendra shëndetësore dhe konsultore të gruas në qytet e fshat. Ndërsa në vitin 2010 MSH-ja do të mbulojë 100 për qind të kostos së shërbimit të planifikimit familjar në sektorin publik, ndërkohë që aktualisht mbulon 90 për qind të këtij shërbimi.
Planifikimi familjar në vend do të mbështet nga një program i veçantë, që do të zbatohet ndërmjet Ministrisë së Shëndetësisë dhe Agjencisë së Shteteve të Bashkuara për Zhvillim Ndërkombëtar. Ditën e djeshme është bërë dhe prezantimi i programit “Për ndryshimin e sjelljes në planifikimin familjar në Shqipëri”, program i cili përqendrohet në rritjen e metodave bashkëkohore kontraceptive për të sqaruar keqkuptimet në lidhje me efektet anësore dhe për të pakësuar përdorimin e metodave tradicionale, kryesisht për moshat 18–35-vjeçare. E pranishme në këtë ceremoni, ministrja Anila Godo ka pohuar se viti 2009 do jetë viti i sensibilizimit të popullsisë në lidhje me strukturën e duhur të planifikimit familjar. “Në axhendën e vitit 2009 është strategjia kombëtare e shëndetit riprodhues, çka do të përbëjë një kornizë ku do të përcaktohen drejtimet kryesore të plotësimit të nevojave për planifikim familjar, me qëllim parandalimin e shtatzënive të padëshiruara dhe sigurimin e alternativave kundrejt abortit. Planifikimi familjar luan një rol të rëndësishëm në përmirësimin e shëndetit amtar, barazinë gjinore dhe reduktimin e varfërisë, duke ndihmuar drejtpërdrejt në arritjet e objektivave të mijëvjeçarit”, - tha ministrja Godo. Sipas saj, në sektorin publik kontraceptivët ofrohen falas në 413 qendra shëndetësore dhe konsultore të gruas në qytet e fshat. Ndërsa në vitin 2010 MSH-ja do të mbulojë 100 për qind të kostos së shërbimit të planifikimit familjar në sektorin publik, ndërkohë që aktualisht mbulon 90 për qind të këtij shërbimi.