Prokuroria 2 eksperte te huaj per videopergjimin e bisedes Meta-Prifti
Videoja e pergjimit te bisedes mes ish-zevendeskryeministrit Ilir Meta me ish-ministrin e Ekonomise Tregtise dhe Energjetikes Dritan Prifti e cila ka shkaktuar nje reaksion te madh ne opinionin publik do te hetohet nga eksperte te huaj. Burime jo zyrtare te Prokurorise se Tiranes thane se per te qene sa me te paanshem ne gjykimin nese videoja eshte origjinale apo montazh do te therrasin per te kryer hetimin e saj eksperte nderkombetare. Madje te njejtat burime saktesuan se kane filluar bisedimet dhe kontaktet per te zgjedhur 2 eksperte qe do te kryejne ekzaminimin e videos. Po sipas tyre po negociohet me institucionet analoge te disa vende europiane si edhe SHBA-se por ende nuk eshte percaktuar ose vene gishti mbi ndonje emer konkret. Jo zyrtarisht pranohet se me afer nenshkrimit jane dy eksperte nje anglez dhe nje tjeter amerikan.
Kjo nuk eshte hera e pare qe Prokuroria therret ne ndihme eksperte te huaj per te kryer hetime per ceshtje mjaft delikate dhe te diskutuara gjate ne opinionin publik. Rastet me te fundit ishin ato kur u hetuan tragjedia ne Gerdec si dhe dosja Trabicka ku ne te dyja rastet ekspertet erdhen nga pertej Atlantikut dhe ne te dy rastet konkluzionet e nxjerra jane debatuar gjate ne media dhe diskutuar ne opinionin publik.
Dy dite me pare u dorezua ne Prokurorine e Tiranes nje kamera e instaluar ne stilolaps e cila ka sherbyer per te filmuar biseden mes zevendeskryeministrit Ilir Meta dhe ministrit te METE-s Dritan Prifti e realizuar gjate kohes qe te dy ishin ne detyre. Ka qene vete ish-ministri Prifti qe e ka dorezuar materialin filmik audio dhe video duke thene se e kishte vendosur kameren pergjuese ne tavolinen e tij te punes ne Ministrine e Ekonomise. Vete deputeti Prifti ka thane se materiali i plote bruto i gjate 13 minuta e 30 sekonda i eshte dorezuar Prokurorise se Tiranes dhe se me kete akt ai ka denoncuar tanime zyrtarisht nje skandal te zyrtarit te larte shteteror. Per plot kater ore qendrimi ne ambientet e njesise Task-Force ne kryeqytet ish-ministri ka pranuar mes te tjerave se ka bere detyren e tij ndaj publikut duke denoncuar e shkuar ne prokurori dhe se regjistrimin e ka bere po ai me vetedije te plote. Prifti u ka servirur drejtuesve te Task-Forces te cilet e kane marre dhe ne pyetje filmimet bruto qe u transmetuan disa dite me pare ne emisionin investigativ Fiks-Fare ne Top Channel. Prifti ka dhene shpjegime per te gjithe personat e permendur ne video duke treguar edhe influencen e Metes per te paracaktuar fituesit e koncesioneve. Deputeti ka kembengulur se regjistrimi eshte i vertete dhe se atij vete i eshte ofruar ryshfet qe te paracaktonte fituesit e koncesioneve. Ish-ministri pak pasi kishte dhene deshmine e tij ne Prokurorine e Tiranes ne cilesine e personit qe ka dijeni per ngjarjen la te kuptohet se ka edhe te tjera filmime dhe dokumente per ceshtjet e koncesioneve te bera nga Ministria e Ekonomise ku perfshihen te tjere zyrtare.
Pas deshmise se Priftit prokuroria tha se ka hapur procedimin penal per akuzen e korrupsionit pasiv e aktiv si dhe te shperdorimit te detyres. Dosja eshte ende pa emer dhe pritet qe te shqyrtohen te gjitha provat qe disponohen dhe nese do te krijohen dyshime se mund te jete kryer veper penale atehere ceshtja do te transferohet ne Prokurorine e Pergjithshme pasi kemi te bejme me dy persona me imunitet dhe se ky institucion ne baze te Kushtetutes kryen hetime dhe perfaqeson prokurorine ne gjykate ndaj personave me imunitet. Prokuroria deklaron se ka nje precedent te ngjashem per hetimin e videos Meta-Prifti.
.