Prokuroria, frikë nga Gjykata e Lartë!

Ligji i ri “Antimafia” do të zbatohet, krahas Gjykatës së Shkallës së Parë, edhe nga ajo e Apelit e Gjykata e Lartë. Megjithatë, “frika” e akuzës mbetet Gjykata Supreme, e cila “shfuqizoi” ligjin e mëparshëm. Shkëndijat e para janë dhënë dy ditë më parë, kur një kolegj penal i kësaj gjykate ka vendosur të shfuqizojë vendimin e Gjykatës së Krimeve të Rënda për pronat e Lul Berishës. Sipas prokurorisë, mbetet shqetësues qëndrimi i hallkës më të lartë të gjyqësorit në Shqipëri, të cilat nuk mund të kontrollohen në vendimet që japin.