Rezultati për Tiranën, KQZ shtyn mbledhjen

 Gjatë mbledhjes së sotme pritet të miratohen rezultatet përfundimtare për Tiranën.

Kjo mbledhje pritet të mbahet në një situatë mjaft të tensionuar për shkak të protestave të opozitës, të cilët kanë nisur të mblidhen para ambienteve të KQZ-së. Kreu i KQZ-së, Arben Ristani paralajmëroi të dielën se gjatë ditës së sotme do të miratohen tabelat përmbledhëse për rezultatet përfundimtare në Tiranë.

Nga numërimi i votave të hedhura në kutitë e gabuara, kandidati demokrat, Lulzim Basha kaloi në avantazh kundrejt Ramës me 90 vota, ndryshe nga rezultatet paraprake ku kandidati i opozitës ishte me 10 vota para, duke pretenduar fitoren. /Saimir Lleshi/Start/

                                                                                             2011-05-23 10:01