Ribery synon finalen në Allianz Arena

Mesfushori i Bayern Munichut, Franck Rivery synon të luajë në finalen e Ligës së Kampionëve, që këtë sezon zhvillohet në stadiumin e skuadrës së tij në Allianz Arena.

Gjiganti bavarez është kualifikuar për 1/8 e finales, ku do të takohen me Baselin. Kurse, Ribery synon të shkojë deri në fund.

“Finalja e Ligës së Kampionëve është një prej objektivave të mia më të mëdha dhe do të ishte realizim i një ëndrre”, tha Ribery për ueb faqen zyrtare të Bayernit. Ribery mungoi në finalen e edicionit 2010 kundër Interit për shkak të suspendimit.