Shkodër, vritet me armë një 27-vjeçar

Një 27 vjeçar mbeti i vrarë me armë zjarri sot në mbrëmje, teksa ishte ulur në një nga lokalet e qytetit të Shkodrës, ndërsa një kalimtare e rastit u plagos pa rrezik për jetën. Krimi me pasojë vdekjen e 27 vjeçarit Olti Curri ndodhi në lagjen "Skëndërbeg" ku viktima, ishte i ulur në një lokal pranë sheshit "Prekë Cali", kur u qëllua me armë zjarri nga persona të indetifikuar. E plagosur mbeti dhe një grua 31 vjeçare, kalimtare e rastit, e cila ndodhet jashtë rrezikut për jetën në spitalin rajonal.
Në vendgjarje ndodhen drejtuesit e policisë së qarkut dhe prokurorisë së Shkodrës, të cilët po hetojnë këtë krim. Policia tha se ka identifikuar autorët dhe është vënë në kërkim të tyre