Shpërthim në Ankara, tre të vdekur

Nga një shpërthim në një objekt industrial në Ankara të Turqisë, kanë humbur jetën së paku tre persona dhe janë lënduar mbi 30 të tjerë.

Arsyeja e këtij shpërthimi nuk është e njohur, por mendohet se kjo ndodhi për shkak të rrjedhjes së gazit.

Raportohet se afro 50 punëtorë ishin në fabrikë, që prodhon gjeneratorë, kur ndodhi shpërthimi.

Dy katet e ndërtesës u shkatërruan, ndërsa ka shqetësime se disa njerëz janë të bllokuar nën gërmadha.