Shperthimi nga shkeljet teknike

Akuza pretendon se e ka të provuar faktin se municionet që çmontoheshin në fabrikën e Gërdecit nuk ishin vetëm stoqe të vjetra, por edhe municione në gjendje shumë të mirë. Sipas tyre, repartet ushtarake kanë falsifikuar mbishkrimet e arkave të fishekëve, duke i paraqitur në Gërdec si municione të vjetra dhe jo municione në gjendje të mirë, e duke fajësuar kështu drejtues të ushtrisë shqiptare. Municionet pasi “shiteshin” nga repartet ushtarake ato përfundonin nën administrimin e shoqërisë “Albademil” dhe më pas vendosej nëse do të demontoheshin apo do të ricikloheshin nga punonjësit e kësaj punishte demontimi.

Sipas prokurorisë, kanë qenë shkeljet teknike në punishte ato që shkaktuan shpërthimin e qindra tonë barut.