Shqiperi Aksident i rende ne segmentin rrugor Ballsh - Tepelene
Policia njoftoi se si pasoje e nje aksidenti te rende te linjes se autobuzeve Tirane-Athine te pakten 9 persona humben jeten dhe rreth 41 te tjere u plagosen disa prej te cileve ende ne gjendje te rende.
Dhjetera trupa te policise dhe reparteve zjarrfikese i nxorren viktimat nga skeleti i autobuzit qe rreshqiti ne humnere ne segmentin qe lidh Ballshin me Tepelenen ne rreth 100 meter thellesi nga aksi rrugor.
Policia po heton deshmite e disa prej udhetareve te cilet pohuan se shoferi nje shtetas grek ne momentin e aksidentit ishte duke folur ne telefon. Deshmi te tjera e lidhen aksidentin me drejtimin pa kujdes te mjetit duke hedhur dyshime se shoferi kishte konsumuar pije alkolike.
Rezultatet e ekspertizes pritet te dalin sot nga policia e qarkullimit rrugor te Fierit. Burime paraprake thane se drejtuesi i mjetit i mbijetoi aksidentit dhe po merr ndihme spitalore.
Operacioni i shpetimit te udhetareve qe zgjati mbi kater ore u krye ne nje terren mjaft te veshtire dhe me reshje nderkohe qe te plagosurit moren ndihmen e pare ne spitale te ndryshme si ate te Gjirokastres Tepelenes dhe Fierit.
Policia tha se rreth ores 23.30 nga autobuzi eshte bere e mundur te nxirren te gjithe udhetaret dhe pritet qe bilanci perfundimtar i aksidentit te mesohet gjate dites se sotme pasi te plagosurit jane shperndare ne spitale te ndryshme .
Ministri i Shendetesise Petrit Vasili dhe Zv. Ministri I Brendshem Avenir Peka kane ndjekur nga afer operacionin duke kordinuar edhe te gjithe ndihmen per te plagosurit.
Aksidenti eshte nga me te rendit e ketyre viteve te fundit ne aksin rrugor qe lidh Fierin me Tepelenen. Shumica e te plagosurve dhe viktimave jane te rinj te grupmoshave te ndryshme dhe nga zona te ndryshme te Shqiperise. Qe te gjithe udhetonin ne drejtim te qyteteve te ndryshme te Greqise.