Shqipëri-Luksemburg, hiqet taksimi i dyfishtë

Komisioni Parlamentar i Ekonomisë dje p/ligjin “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe Qeverisë së Dukatit të Madh të Luksemburgut, për shmangien e tatimit të dyfishtë dhe parandalimin e evazionit fiskal, për tatimet mbi të ardhurat dhe kapitalin”. Ekspertët thanë se marrëveshja u nënshkrua me qëllim, zhvillimin e mëtejshëm të bashkëpunimit ndërmjet dy vendeve dhe lehtësimin e marrëdhënieve ekonomike. Sipas ekspertëve të ministrisë së Financave, çështjet kryesore që trajtohen në marrëveshje janë taksat e përfshira, si tatimet mbi të ardhurat dhe mbi kapitalin, përcaktimi i rezidencës tatimore të tatimpaguesit, shmangia e tatimit të dyfishtë për të ardhurat nga dividendët, nga interesi dhe nga tarifat për licenca, si dhe nga të ardhurat për shërbimet personale të pavarura.