Të ‘mëdhenjtë’ ecin përpara

Të mërkurën janë zhvilluar ndeshjet e rrethit të parë të Kupës së Kosovës në futboll. Skuadrat e mëdha, respektivisht ato të Superligës, pa pikë problemi janë kualifikuar në rrethin e dytë, duke i eliminuar me lehtësi ekipet e rangjeve më të ulëta.

Fituesi i fundit i këtij trofe, Trepça ’89 e ka deklasuar Rilindjen, duke e mposhtur me rezultat shumë të thellë 6:0.

Me rezultat edhe më të thellë ka fituar Drenica, e cila e ka ‘çmontuar’ ekipin e Arbneshëve, duke e mposhtur me rezultat 7:0.

Pa problem kanë fituar edhe dy ekipet tjera të Superligës, Trepça e Llamkos Kosova, të cilat kanë fituar ndaj Flamurtarit me rezultat 2:4, respektivisht Ramiz Sadikut, 0:2.

Ndërsa, koha e rregullt e takimit mes Deçanit e Vëllaznimit ka përfunduar baras 1:1. Por, pas vazhdimeve, gjakovarët e kanë siguruar kualifikimin në rrethin e dytë falë fitores prej 1:2.

Duhet theksuar se Prishtina, Hajvalia, Besa, Hysi, Liria, Istogu, Fushë Kosova e Ferizaj janë kualifikuar të parat pa lojë, pasi kundërshtarët e tyre kishin hequr dorë nga ky trofe.

Kupa e Kosovës – Rrethi i parë:

Rezultatet

Drita – 2 Korriku 2:1

Ulpiana – Gjilani 3:1

Flamurtari – Trepça 2:4

R. Sadiku – Ll. Kosova 0:2

Trepça ’89 – Rilindja 6:0

Drenica – Arbneshët 7:0

Deçani – Vëllaznimi 1:2 (pas vazh.)