Të majtët përcjellin Ramiz Alinë
Tiranë – Kanë munguar shumë figura të njohura politike në homazhet e kryera në nderim të Ish-presidentit Ramiz Alia, i cili u përcoll sot për në banesën e fundit.
Protokolli i shtetit vendosi të zhvillojënjë ceremony zyrtare në Shtëpinë Qëndrore të Ushtrisë, dhe të pranishëm nga politikanët kanë qëenë ish-kryeministri Fatos Nano, kreu i LSI- së Ilir Meta, kryetari i grupit parlamentar socialist Gramoz Ruci, deputeti Namik Dokle dhe historiani Pëllumb Xhufi. Ndërsa politikanët e djathtë e bojkotuan.
Ish- kryeministri Nano u shpreh se vlerëson të gjitha kontributet e Ramiz Alisë.
Besoj se është në respekt të një epoke historike, e cila ka pasur protagonistët e saj. Shpreh respektin për kontributin që ka dhënë në luftën antifashiste. Në rastin e homazheve duhet të shpreh vlerësimin tim për figurën e Alisë që ka dhënë në etapa të rëndësishme të historisë kombëtare, deri në institucionalizimin e pluralizmit politik. theksoi Fatos Nano pas ceremonisë së homazheve.
Ndërsa kreu i LSI-së Ilir Meta duke vlerësuar figurën e Alisë në luftën antifashiste theksoi se ai ishte presidenti i parë i Shqipërisë pluraliste që dha dorëheqjen pas humbjes së partisë së tij në zgjedhje.
Mendoj se nderimin më të mirë për çdo figurë politike e bën historia. Dua të vlerësoj figurën e zotit Alia si një figurë e shquar e luftës antifashiste, dhe për përpjekjet e tij për mirëkuptuar aq sa mundej pluralizmin politik. Në fund të fundit është presidenti i parë i Shqipërisë pluraliste, i pari personalitet politik që jep dorëheqjen pasi partia e tij humb zgjedhjet” ka theksuar Meta.
Politikanët e të djathtës dhe kreu i Partisë Socialiste, Edi Rama, e bojkotuan ceremoninë. Një ditë më parë gazeta e Partisë Demokratike, RD, kishte shkruar në faqen e parë mbi vdekjen e Alisë, duke thënë se vdiq diktatori i fundit komunist i Shqipërisë, duke paralajmeruar mospjesëmarrjen në ceremoni. Ndërkohë që presidenti i republikës, duket për arsye protokollare, kishte dërguar vetëm një kurorë me lule.
Ndërkohë numrin më të madh të pjesëmarrësve në ceremoni e përbënin të moshuarit, ish nostalgjikë të periudhës së komunizmit.
Shkrime të tjera me interes: