Tiranë ; Arrestohen dy të rinj për vjedhje

Policia e kryeqytetit ka mundur të ndalojë dy të rinj nën akuzën e vjedhjes. Të arrestuarit janë Redi Ferizaj, 21 vjeç, nga Tirana si dhe Albert Ristani,19 vjeç, edhe ky banues i kryeqytetit. Arrestimi i tyre u krye sepse para dy ditësh dyshohet se në bashkëpunim me njëri-tjetrin kanë vjedhur rreth 3 tuba bakri në shkollën “Lidhja e Prizrenit”. Ndërkohë, dyshohet se kanë vjedhur edhe një fllanxhë e një valvul uji, përgjatë rikonstruksionit të “Rrugës së Barrikadave”, vjedhje kjo e denoncuar nga firma e rikonstruksionit të “Rrugës së Barrikadave”. U kryen veprimet hetimore e procedurale, nga ku dyshohet se sendet e vjedhura shtetasit e mësipërm i kanë shitur pranë një pike grumbullimi të hekurishteve pranë stacionit të trenit. Materialet i kaluan Prokurorisë së Rrethit Gjyqësor Tiranë për hetime të mëtejshme si dhe për të mësuar më tej se përse përdoreshin këto materiale që vidheshin nga dy të rinjtë.