Vlorë: Nis fluksi i ardhjes së emigrantëve nga jashtë

Foto Arkiv Vlorë, 16 Dhjetor, 12:35, NOA - Ka nisur tashmë ardhja e emigrantëve nëpërmjet portit të Vlorës. Ata që kanë zgjedhur të kalojnë pushimet e fundvitit në Shqipëri kanë filluar lëvizjen nëpërmjet pikave të kalimit kufitar.

Siç bën të ditur korrespondentja e agjencisë NOA, sot kanë ardhur me tragetet e linjës Vlorë-Brindisi 350 pasagjerë, 55 automjete dhe 30 kamionë. Shifra parashikohet të ketë rritje të ndjeshme në ditët në vazhdim. Emigrantët tregojnë se kanë ardhur për të kaluar pushimet e fundvitit.

Krahasuar me vitin 2007 pritet që shifra e personave të ardhur nëpërmjet porit të Vlorë të rritet ndjeshëm, tha drejtori i policisë kufitare për Qarkun, Myzafer Elezi.

Ai deklaroi se gjatë periudhës 15-31 dhjetor të vitit 2007, nëpërmjet portit të Vlorës kanë arhdur në total  9342 shtetas shqiptar dhe 744 shtetas të huaj, ndërsa numri i automjeteve ka qene 2682. Ndërsa garantoi se janë marrë të gjitha masat për përballimin e këtij fluksi të sezonit dimëror.

o.h/NOA